Архив 25 декабрь 2017 12:20

Казан Башкарма комитеты: Юллар бик яхшы чистартылмаган дигән тәэсир кала

Шәһәр урамнары бозлавыкка каршы материал белән эшкәртелде.

Скопировать ссылку

(Казан, 25 декабрь, «Татар-информ», Динара Сираҗиева). Юлларда «бөкеләр» хасил булуына юл куймас өчен, Казан урамнарын кардан арындырырга бөтен техника да чыкмады, дип хәбәр итте бүген мэриядә узган эшлекле дүшәмбе киңәшмәсендә Казан Башкарма комитеты җитәкчесе урынбасары – Тышкы төзекләндерү комитеты рәисе Игорь Куляжев.

«Кичә Казанда буран башланды һәм барлык юл хезмәтләре дә урамнарны кардан арындырырга чыкты. Кар иртәнгә кадәр яуганлыктан, юллар бик яхшы чистартылмаган дигән тәэсир кала. Чынлыкта алар бозлавыкка каршы материал белән эшкәртелде. Хәзер шәһәрдә «бөкеләр» тудырмыйча гына урамнарны кардан арындырырга кирәк», - диде Куляжев.

Шәһәр урамнары бозлавыкка каршы материал белән эшкәртелде, хәзер тротуарлар, тукталыш мәйданчыкларын кардан чистарталар, дип искәртте Тышкы төзекләндерү комитеты рәисе.

#Казан мэриясе #буран

Сәхифәләр

Казан Башкарма комитеты: Юллар бик яхшы чистартылмаган дигән тәэсир кала