Сәясәт 10 октябрь 2018 13:27

Казан башкарма комитеты җитәкчесе урынбасары итеп Рөстәм Гафаров билгеләнә

Рөстәм Гафаров 2010 елдан башлап Совет районы хакимияте башлыгы булып эшли.

Скопировать ссылку

(Казан, 10 октябрь, “Татар-информ”). Казан шәһәренең Совет районы хакимияте башлыгы булып эшләгән Рөстәм Гафаровны Казан башкарма комитеты җитәкчесе Денис Калинкинның беренче урынбасары итеп билгеләячәкләр. Бу хакта “Татар-информ”га Казан мэриясендәге шәхси чыганак хәбәр итте.

Рөстәм Гафаров Казанда туган. Казан химия-технология институтын “инженер-механик” белгечлеге буенча тәмамлаган. Казан сөт комбинатында компрессор цехы җитәкчесе, “ИТ-проект” предприятиесендә ремонт-монтажлау участогы җитәкчесе, “Кипер” коммерцияле төзелеш фирмасы директоры булып эшләгән.

Шулай ук Казан шәһәренең Совет районы хакимиятендә Торак-коммуналь хуҗалыгы, тышкы төзекләндерү һәм төзелеш бүлеген җитәкли һәм хакимият җитәкчесенең беренче урынбасары була.

Рөстәм Гафаров Совет районы хакимияте башлыгы булып 2010 елдан эшли.

Өйләнгән, ике бала тәрбияли.

#совет районы

Сәхифәләр

Казан башкарма комитеты җитәкчесе урынбасары итеп Рөстәм Гафаров билгеләнә