Җәмгыять 17 апрель 2019 07:49

Казан Башкарма комитеты Җиңү көнен бәйрәм итүгә 45 млн сумнан артык акча тотачак

Бәйрәм программасында Татарстанның һәм башка төбәкләрнең төрле коллективларыннан 1 меңнән артык артист катнашачак.

Скопировать ссылку

(Казан, 17 апрель, "Татар-информ"). Казан хакимияте Республика башкаласында Җиңү көнен бәйрәм итүгә 45,8 млн сум акча сарыф итәчәк. Әлеге мәгълүмат сатып алулар өлкәсендә бердәм мәгълүмат системасы сайтында барлыкка килде.

Бөек Ватан сугышында Җиңүнең 74 еллыгын бәйрәм итүгә 1,3 меңнән артык коллектив һәм ансамбль катнашучысын җәлеп итү планлаштырыла. Артистлар Россиянең сигез шәһәреннән дә киләчәк.

Шулай ук "Пирамида" мәдәни-күңел ачу комплексында ике сәгатьлек чара көтелә. Тамашачылар трибуналары парадны карау өчен 2,8 меңгә якын кешене сыйдыра алачак. Моннан тыш, Парад гадәттәгечә Меңьеллык мәйданында, Ирек мәйданында, Казан Ратушасында һәм Җиңү паркында узачак. Анда "Үлемсез полк" йөреше планлаштырылган.

#җиңү көне #9 май

Сәхифәләр

Казан Башкарма комитеты Җиңү көнен бәйрәм итүгә 45 млн сумнан артык акча тотачак