Казан автоузышчысы Рәхмәтуллин Сочи трассасында җиңүгә иреште
Ул “Туринг-Лайт” классында җиңү яулады
(Казан, 14 сентябрь, «Татар-информ»). Сочи автодромы трассасында Sports Racing Technologies командасы әгъзасы Казан автоузышчысы Илдар Рәхмәтуллин “Туринг-Лайт” классында җиңү яулады.
Ул шимбә боҗра ярышларында Россия сериясенең 7 нче этабында команда буенча партнеры Николай Грязинны узып финишка беренче килде. Өченче урынны Sports Racing Technologies командасының тагын бер вәкиле Василий Грязин алды, дип хәбәр итә “Р-Спорт”.