Җәмгыять 22 декабрь 2016 07:40

Казан автоинспекторлары каникуллар чорында рейдларга чыгачак

Рейдлар балаларның юл-транспорт һәлакәтендә зыян күрү очракларын кисәтү максатында оештырыла.

Скопировать ссылку

(Казан, 22 декабрь, "Татар-информ") Кышкы каникуллар чорында ЮХИДИ хезмәткәрләре балаларның юлларда һәм транспортта иминлеген тәэмин итүгә аеруча зур игътибар бирәчәк, дип хәбәр итәләр Россия Эчке эшләр министрлыгының Казан буенча идарәсе ЮХИДИ бүлегендә.

Автоинспекторлар каникуллар башланганчы ук, 12-23 декабрьдә белем бирү учреждениеләрендә юл хәрәкәте иминлеге буенча лекцияләр, дәресләр үткәрә.

29 декабрьдә автоинспекторлар “Зебра” рейдына чыгачак. Машина йөртүчеләрнең җәяүлеләрне юл аркылы чыгару кагыйдәләрен үтәвен тикшерәчәк. 6 гыйнварда “Яшь пассажирларның гомерен саклыйк” дигән махсуслаштырылган рейд планлаштырыла. Автомобиль салонында балаларны йөртү кагыйдәләре үтәлүе тикшереләчәк.

Агымдагы ел башыннан Казанда кешеләргә зыян килгән 230 авария булган, аларда 250 бала җәрәхәтләнгән. Еш кына юл хәрәкәте кагыйдәләрен инкарь итү һәлакәткә китерә, дип искәртә автоинспекторлар. Юлда йөрүчеләргә, бигрәк тә һава торышы начар булган көннәр киемнәргә ут яктырткыч элементлар тагарга киңәш итәләр.

#ЮХИДИ #юл-транспорт һәлакәте #Казан

Сәхифәләр

Казан автоинспекторлары каникуллар чорында рейдларга чыгачак