Спорт 27 июнь 2017 15:51

"Казан Арена" стадионында 200 WI-FI ноктасы урнаштырылган

Казан стадионындагы матч вакытында һәр алтынчы кеше WI-FI аша интернеттан файдалана.

Скопировать ссылку

(Казан, 27 июнь, “Татар-информ”, Фәрит Салихов). Конфедерацияләр кубогы матчын тамаша кылган вакытта “Казан Арена” стадионында бушлай WI-FI хезмәтеннән файдаланырга була. Бу хакта Конфедерацияләр кубогына аккредитация узмаган журналистлар өчен уздырылган матбугат конференциясе вакытында Татарстан Премьер-министры урынбасары, республиканың мәгълүматлаштыру һәм элемтә министры Роман Шәйхетдинов җиткерде.

“Казан Арена” – чыбыксыз интернет хезмәте тормышка ашырылган Россия стадионнарының беренчесе. Стадионынга 200 WI-FI ноктасы урнаштырылган. Аннан файдалану – түләүсез. Бары тик беренчел теркәлү узарга гына кирәк”, – дип сөйләде Роман Шәйхетдинов.

Аның сүзләренчә, “Казан Арена”да WI-FI хезмәтенә 36 меңнән артык кеше тоташкан. Португалия–Мексика җыелмалары арасындагы берене матч көнне, мәсәлән, 6383 абонент әлеге хезмәттән файдаланган.

“Димәк, стадиондагы һәр алтынчы кеше WI-FI хезмәтеннән куллана”, – дип ачыклык кертте министр.

#Конфедерацияләр кубогы

Сәхифәләр

"Казан Арена" стадионында 200 WI-FI ноктасы урнаштырылган