Җәмгыять 25 март 2025 16:46

Казан аэропортында чит ил гражданнарының биометриясен җыярга телиләр

Скопировать ссылку

Россия Эчке эшләр министрлыгы Татарстан Рәисе Рөстәм Миңнехановның Мәскәү аэропортындагы кебек үк, Казан аэропортында да Россиягә килүче чит ил кешеләренең биометрик мәгълүматларын җыюны кертү инициативасын хуплады. Бу хакта Россия Федерациясе Президентының Идел буе федераль округындагы Тулы вәкаләтле вәкиле каршындагы Идел буе федераль округы төбәкләрендә дәүләт миграция сәясәтен һәм мигрантларның социаль-мәдәни адаптациясен гамәлгә ашыру мәсьәләсе буенча Совет утырышында Россия Эчке эшләр министрының беренче урынбасары Александр Горовой хәбәр итте.

«Узган елның 1 декабреннән Мәскәүнең өч аэропортында һәм Оренбург өлкәсенең «Маштаково» автомобиль пунктында Белоруссиядән килгән барлык гражданнардан һәм дипломатлардан биометрия алу гамәлгә ашырыла. Без тәҗрибәне киңәйтү мәсьәләсен тикшерүгә чыгардык, шулай ук Татарстан рәисе Рөстәм Миңнехановның бу эшне беренче чиратта Казанда дәвам итәргә дигән мөрәҗәгатен хуплыйбыз», – диде ул.

1 декабрьдән бирле 2 миллионнан артык биометрик мәгълүмат үрнәге җыелган. Эзләүдә булган, яки Россия территориясенә керүе тыелган 11 мең кешенең шәхесе ачыкланган.

Сәхифәләр

Казан аэропортында чит ил гражданнарының биометриясен җыярга телиләр