Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан аэропортында бәйрәм көннәрендә пассажирлар агымы 37 процентка арткан
Иң популяр эчке юнәлешләр – Мәскәү, Санкт-Петербург һәм Сочи.
(Казан, 11 гыйнвар, “Татар-информ”). 2017 елның 29 декабреннән 2018 елның 8 гыйнварына кадәр “Казан” Халыкара аэропорты 73 мең 478 кешегә хезмәт күрсәткән. Бу хакта “Казан” Халыкара аэропорты матбугат хезмәтенә сылтама белән шәһәр мэриясе рәсми порталы җиткерә.
Узган елның бәйрәм яллары белән чагыштырганда, пассажирлар агымы 37,6 процентка арткан. Шул ук вакытта халыкара линияләрдә пассажирлар саны – 50,7 процентка, ә эчке линияләрдә 33 процентка арткан.
Россия буенча иң популяр юнәлеш булып Мәскәү, Санкт-Петербург һәм Сочига очышлар торган.
Чит ил шәһәрләреннән Дубай, Пхукет, Баку, Камрань, Истанбул, Пардубице һәм Прага иң популяр юнәлеш булып танылган.
Кызыклы яңалыкларны күзәтеп бару өчен Телеграм-каналга язылыгыз