Казан аэропорты яңадан эшли башлады
Скопировать ссылку
Габдулла Тукай исемендәге Казан аэропорты яңадан эшли башлады. Бу хакта мәгълүматны «Татар-информ»га аэродромның матбугат хезмәте җитәкчесе Гадел Гатауллин раслады.
Искәртик, «Казан» Халыкара аэропорты һава хәрәкәте белән идарә итү диспетчерлары кушуы буенча һава судноларын кабул итү һәм җибәрү өчен вакытлыча махсус боерыкка кадәр ябылды.
Кертелгән чикләүләр сәбәпле аэропортка очучы һава суднолары Самара, Внуково, Ульяновск һәм Чебоксарга запас аэродромнарга юнәлтелде.