Хәвеф-хәтәр 29 июль 2024 19:09

Казан-Адлер поезды рельслардан чыгып ауганнан соң өч кеше авыр хәлдә

Скопировать ссылку

Волгоград өлкәсендә пассажир поездының рельслардан чыгуы нәтиҗәсендә зыян күргән өч кешенең хәле авыр дип бәяләнә. Бу хакта Волгоград өлкәсе администрациясе матбугат хезмәте хәбәр итә.

Хакимият мәгълүматлары буенча, хәзерге вакытта 30 кеше тирәнтен медицина тикшерүе уза, ә 339 кеше вакытлыча урнаштыру пунктларында тора.

Губернатор Андрей Бочаров сүзләренчә, хәзер кемнең үз юлын дәвам итәргә ниятләвен, ә кемнең кире кайтырга теләвен билгеләү мөһим. Бу мәгълүмат алдагы эшне планлаштырганда исәпкә алыначак. Шулай ук ул багажның бер өлеше вагоннарда калуын билгеләп үтте һәм аларның сакланышын тәэмин итү һәм хуҗаларына кайтару бурычын куйды.

«Хәзер һәр пассажир белән сөйләшәбез, алар Адлерга юлларын дәвам итәчәкләрме яки кире кайтачаклармы икәнен ачыкларга кирәк. Кешеләрдә шок, бу аңлашыла. Әмма авыр хәлдә кичекмәстән ярдәмгә килүчеләрнең гамәлләре турында алар бик яхшы фикерләр әйтә», - диде ул.

Сәхифәләр

Казан-Адлер поезды рельслардан чыгып ауганнан соң өч кеше авыр хәлдә