Казан 2018 елда Россиянең туристлык шәһәрләре бишлегенә кергән
Төбәкләр арасында Татарстан 7 урынны били.
(Казан, 28 декабрь, «Татар-информ»). Быел Татарстан башкаласы Россиянең иң популяр шәһәрләре бишлегенә керде. Тикшеренү нәтиҗәләрен ТурСтат аналитик агентлыгы ясый.
Рейтинг исемлеге башында Мәскәү, быел анда 23,5 млн турист булган, икенче урында Санкт-Петербург - 8,5 млн кеше, өченче урында Сочи - 6 миллоннан артык кеше. Казан 4 урында, ә Владивосток 5 урында, бу шәһәрләрдә 3 миллионнан артык кеше булган.
Гомумән Россиядә туристлар саны 60 миллионга якын, аларның 5 миллионы – чит ил туристлары. Бу узган елның шул чорына караганда, 7 процентка күбрәк.
Төбәкләр арасында Татарстан 7 урынны били. Татарстанның Туризм буенча дәүләт комитеты рәисе Сергей Иванов ел нәтиҗәләре буенча Татарстан 3,4 миллион чамасы турист кабул итәчәк, турислар 15 процентка артачак дип хәбәр иткән иде.