news_header_top_970_100
news_header_bot_970_100

Казакъстан хоккейчылары уңышка ирешә алмады

Казакъстан хоккейчылары уңышка ирешә алмады

(Казан, 1 февраль, "Татар-информ", Руслан Мөхәммәтшин). Казакъстанның җыелма хоккей командасы шведлар белән "Ракета" боз мәйданында үткән матчта җиңүгә якын иде, әмма көндәшләренә ахырга кадәр каршы тора алмады. Нәтиҗәдә, уен 5:7 исәбе белән Швеция файдасына тәмамланды.

Беренче таймның тугызынчы минутында исәпне Магнус Мюрен биргән туптан Стефан Эриксон ачты. Тиз арада Казакъстанның җыелма командасы хоккейчысы Вячеслав Бронников көндәшләр капкасына җавап голы кертте. Тайм ахырына кадәр командалар тагын берәр гол кертте.

Казакъстанлылар өчен икенче тайм башы уңышсыз булды. Команда шведлар капкасына өч гол кертүгә иреште. Казакъстан хоккейчыларына 5:4 исәбе белән үз уңышларын ныгытырга кирәк иде, әмма матч тәмамланырга 10 минут кала уен кагыйдәләрен бозган өчен штрафка Александр Дрягин чыгарылды. Нәтиҗәдә, Казакъстанның җыелма командасы шведлар басымын кире кага алмады. Стефан Эриксон - ике, Йохан Андерсон бер туп кертте.

news_right_column_1_240_400
news_right_column_2_240_400
Медиаметрикс
news_bot_970_100