Казахстанда Astana-Paris веломарафоны старт алды
Велосипедчыларга 6 ил, 30 шәһәр аша Парижга кадәр 5 мең километр юл үтәргә туры киләчәк.
Скопировать ссылку
(Казан, 4 август, “Татар-информ”). Астанада сукырлар һәм начар күрүчеләр өчен Blind Race Astana – Paris халыкара веломарафоны башланды. Бу хакта “Анадолу” агентлыгы хәбәр итә.
- Марафон “Чиксез спорт” проекты кысаларында, Паралимпия спорт комитеты һәм төрле оешмалар ярдәме белән уздырыла.
“Чиксез спорт” проекты җитәкчесе Бәхтияр Базарбеков “Анадолу” агентлыгына белдергәнчә, веломарафонның дөньяда тиңдәшләре юк.
Веломарафонның үзенчәлеге шунда – велосипедчыларга биш мең километрдан артык юл үтәргә туры киләчәк. Алар 6 ил, барлыгы 30 шәһәр аркылы узачаклар.
Проект җитәкчесе сүзләренчә, веломарафонда катнашучылар сентябрьнең беренче атнасында Парижда финиш ясаячак.