Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбычта армиягә китүче егетләр өчен очрашу узды
Быелгы көзге чакырылышта районнан 26 егет хәрби хезмәткә алынырга тиеш.
(Кайбыч, 27 октябрь, "Татар-информ", «Кайбыч таңнары», Мингазиз Сөнгатуллин). Көзге чакырылышта илебез сагына китәчәк Кайбыч егетләре белән чираттагы очрашу да тантаналы төстә узды. Хәрби комиссар Илшат Паймурзин әйтеп узганча, Россия оборона министры Сергей Шойгуның агымдагы елның 1 октябреннән Россия Кораллы Көчләре сафларына көзге чакырылыш башлану турындагы боерыгы дөнья күрде, дип яза җирле басма.
Район башлыгы Альберт Рәхмәтуллин егетләргә хәрби бурычларын намус белән үтәүләрен теләде. – Ватан алдындагы бурычыгызны намус белән үтәп кайтыгыз.Бабаларыбыз, әтиләребез дә илебез сагында торган, инде хәзер сезнең чират җиткән. Буыннар алмашы шулай дәвам итә, –диде ул. – Район оешканнан бирле егетләребез хезмәт иткән хәрби частьләрдән әти-әниләре адресына бары Рәхмәт хатлары гына килде, солдат исеменә тап төшермәделәр. Сез дә, алар традициясен дәвам итеп, хәрби хезмәтне төгәл үтәрсез дип ышанам. Бер ел вакыт сизелмичә дә үтә, уңышлар сезгә, туган якларыбызга исән-сау әйләнеп кайтыгыз. Әти- әниләрегезгә сабырлык телим.
Совет Армиясе сафларында утыз елга якын хезмәт иткән отставкадагы майор, райондагы яшь армиячеләр хәрәкәте җитәкчесе Илһам Хөснетдинов та егетләргә киңәшләрен бирде.
Кызыклы яңалыкларны күзәтеп бару өчен Телеграм-каналга язылыгыз