Җәмгыять 3 ноябрь 2018 08:00

Кайбычта аерылышучылар кимегән

Иң өлкән пар да никахларын теркәгән: кияүгә – 79, кәләшкә 81 яшь.

Скопировать ссылку

(Кайбыч, 3 ноябрь, "Татар-информ", "Кайбыч таңнары", Фирәдә Сайранова). Узган ел аерылышучылар саны 26 пар булса, быел 15 пар. Бу турыда район басмасы хәбәр итә.

Район ЗАГС бүлеге начальнигы Чулпан Камалиева хәбәр иткәнчә, агымдагы елның тугыз аенда Кайбычта 27 пар гаилә корган, узган елның шушы чорында 40 пар язылышкан булган.

Иң яшь кияүгә – 21, кәләшкә 19 яшь. Иң өлкән пар да никахларын теркәгән: кияүгә – 79, кәләшкә 81 яшь.

Елның иң популяр исемнәре – Аяз, Камил, Әмир, Зилә, Анастасия, Матвей, Руслан. Сирәк һәм гадәти булмаган исемнәр – Евангелина, Эльдана.

40 бала туган – 17 кыз һәм 23 малай (2017 елда – 52). 176 кеше дөнья куйган (89 ир-ат һәм 87 хатын-кыз). Бала тууга караганда, үлем күрсәткече дүрт тапкырга күбрәк.

#Кайбыч таңнары

Сәхифәләр

Кайбычта аерылышучылар кимегән