Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбычның "Әкият" курчак театры "КИТ" Халыкара бәйгесендә медаль яулады
Казан шәһәрендә үткәрелгән әлеге бәйгедә Россия һәм Татарстанның төрле шәһәрләреннән балалар катнашты.
(Кайбыч, 23 декабрь, "Татар-информ", "Кайбыч таңнары", Ләйсән Саттарова). "ЭКО" мәктәптән тыш эшләр үзәге каршында эшләп килүче "Әкият" курчак театрының яшь талантлары "КИТ" Халыкара бәйгесендә медальгә лаек булды. Бу хакта район басмасы хәбәр итә.
Казан шәһәрендә үткәрелгән әлеге бәйгедә Россия һәм Татарстанның төрле шәһәрләреннән балалар катнашты.
Бәйгедә катнашучылар "Эстрада вокалы", "Хореография", "Халык вокалы", "Сынлы сәнгать", "Театр", "Нәфис сүз" номинацияләрендә үзләренең сәләтләрен күрсәтте.
"Әкият" курчак театрының иҗат коллективы "Театр" – "Курчак театры" номинациясендә өченче яшь төркемендә чыгыш ясады. Алар "Төремкәй" әкиятен күрсәттеләр.
Татарстан Республикасының атказанган мәдәният хезмәткәре, Казан театр училищесының актерлык осталыгы бүлеге мөдире Татьяна Корнишина яшь талантлар чыгышына югары бәя биргән.
Соңыннан жюри һәм иҗат коллективлары җитәкчеләре катнашында түгәрәк өстәл артында бәйге барышында күрсәтелгән спектакльләр буенча фикер алышу үткәрелгән. Яшь артистлар әлеге бәйгедән беренче дәрәҗәдәге лауреат дипломы, кубок һәм "КИТ" Халыкара бәйгесенең медальләре белән кайтты.
Кызыклы яңалыкларны күзәтеп бару өчен Телеграм-каналга язылыгыз