Кайбычлылар Мордовиягә Сабан туена җыена
Алар анда сәүдә итәчәк, халык уеннарын оештырачак һәм зур концерт куячак.
Скопировать ссылку
(Кайбыч, 5 июль, "Татар-информ", "Кайбыч таңнары"). Бу атнаның шимбәсендә Кайбыч районы вәкилләре район башлыгы Альберт Рәхмәтуллин җитәкчелегендә Мордовиянең Ләмбрә районына керүче Аксюн авылына Сабан туена бара. Бу турыда җирле басма хәбәр итә.
Бу авыл иң зур татар авылларының берсе. Быелгы Сабан туенда авылның 350 еллыгын зурлап үткәрәчәкләр. Кайбычлылар анда сәүдә итәчәк, халык уеннарын оештырачак һәм зур концерт куячак.