Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбычка РФ Дәүләт Думасы депутаты Илдар Гыйльметдинов килде
Депутат иң элек гражданнарны кабул итте, аннары Федоровское авылы өлкәннәрен котлады.
(Кайбыч, 10 октябрь, "Татар-информ", «Кайбыч таңнары», Ләйсән Саттарова). Кайбычка РФ Дәүләт Думасы депутаты Илдар Гыйльметдинов килде. РФ Дәүләт Думасы депутаты, Татарларның федераль милли-мәдәни автономиясе Советы рәисе Илдар Гыйльметдинов иң элек гражданнарны кабул итте, аннары Федоровское авылы өлкәннәрен котлады, дип яза район газетасы.
Депутатка үз гозер-үтенечләре белән биш кеше мөрәҗәгать итте. Кошман авылыннан килгән Ильмира Хәйретдинованы инвалидлар яшәгән шәхси йортларда уңайлы мохит тудыру мәсьәләсе борчый. Олы Кайбычтан декрет ялында утыручы Марина Русованың соравы Ана (гаилә) капиталыннан бер тапкыр түләнүче акчадан файдалануга кагылышлы иде. Шушы ук авылда яшәүче Ләйсән Фәррахова яңа парктагы балалар мәйданчыгына резина япма җәеп булмасмы икән, диде. Олы Кайбыч мәктәбе директорының тәрбия эшләре буенча урынбасары Гөлинә Габдрахманова чаңгы базасы төзү, чаңгыларны прокатка алуны оештыру мәсьәләсе белән мөрәҗәгать итте. Районның “Яшь армиячеләр” хәрәкәте лидеры Илһам Хөснетдиновның сораулары җәйге чорда балалар өчен лагерьлар оештыруга, Кораллы көчләр ветераннары мәсьәләләренә кагылышлы иде. Мөрәҗәгать итүчеләрнең сорауларына аңлатма биреп, алардан гаризалар кабул иткәннән соң, депутат, Федоровское мәктәбенә барып, авыл өлкәннәрен котлады. Алар өчен биредә Өлкәннәр көне уңаеннан укучылар һәм мәдәният хезмәткәрләре көче белән концерт программасы һәм чәй табыны әзерләнгән иде. Илдар Гыйльметдинов 60, 70, 80 яшьлек юбилярларга бүләкләр тапшырды.
— Хөрмәтле өлкән буын вәкилләре! Сезне чын күңелдән Өлкәннәр көне белән котлыйм. Исәнлек-саулык, күңел тынычлыгы телим сезгә. Балаларыгыз, оныкларыгыз яныгызга ешрак кайтсыннар. Дөньялар тыныч-имин булсын, төрле телләрдә сөйләшеп, төрле дин тотучылар барыбыз бергә дус-тату яшәсәк иде, – диде ул. Башкарма комитет җитәкчесе Алексей Макаров, Федоровское авыл җирлеге башлыгы Фирдүс Зәйнуллин, мәктәп директоры Михаил Серяков һәм ветераннар Советы рәисе Надежда Филина да абый-апаларга изге теләкләрен җиткерде.
Кызыклы яңалыкларны күзәтеп бару өчен Телеграм-каналга язылыгыз