Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбыч районында “Игътибар, балалар!” операциясе дәвам итә
Әлеге операциянең максаты – балалар арасында юл-транспорт травматизмын кисәтү.
(Кайбыч, 10 сентябрь, "Татар-информ", "Кайбыч таңнары"). Кайбыч районында “Игътибар, балалар!” операциясе дәвам итә, ди п яза район газетасы.
Район ЮХИДИе начальнигы, полиция майоры Фирдүс Тимершин хәбәр иткәнчә, Кайбыч районында 10 сентябрьгә кадәр “Игътибар, балалар!” операциясе дәвам итә.
Әлеге операциянең максаты – балалар арасында юл-транспорт травматизмын кисәтү.
– Мәктәпләрдә, балалар бакчаларында еш булабыз, укучыларга, кечкенәләргә юлларда дөрес йөрмәүнең аяныч нәтиҗәләргә китерүе турында сөйлибез. Хәзер яңа уку елы башланды. Төрле түгәрәкләрдән соң, укучылар өйләренә караңгы төшкәч кенә кайтырга чыгалар, –диде Фирдүс Тимершин. –Велосипедта йөрүче укучылар да еш очрый. Аларның киемендә дә, велосипедта да яктылыкны кире кайтаручы элементлар юк. Ата-аналар балаларына кием сайлаганда шундый элементлы киемнәргә өстенлек бирсен иде. Алар аерым да сатыла, киемгә, велосипедка беркетергә мөмкин. Республика юлларында велосипедчы баланы машиналар бәрдереп китү очраклары бар. Ата-аналар балаларның караңгыда велосипедта йөрүләренә чик куйсалар иде.
Кызыклы яңалыкларны күзәтеп бару өчен Телеграм-каналга язылыгыз