Авыл 24 август 2018 23:00

Кайбыч районы механизаторы республика алдынгылар исемлегенә кергән

Владимир Краснов “Ягуар” комбайнында үзенең алмашчысы Алексей Романов белән бу сезонда 20 мең тоннага якын яшел масса урган.

Скопировать ссылку

(Кайбыч, 24 август, "Татар-информ", “Кайбыч таңнары”,Мингазиз Сөнгатуллин). Татарстанның Авыл хуҗалыгы һәм азык-төлек министрлыгы сайтында терлек азыгы әзерләүдә иң югары күрсәткечләргә ирешеп эшләүчеләрнең исемлегендә Хуҗа Хәсән авылында яшәүче Владимир Краснов та бар, дип яза җирле басма.

Туган ягы кырларын инде егерме елдан артык иңләүче Владимир Краснов “Ягуар” комбайнында үзенең алмашчысы Алексей Романов белән бу сезонда 20 мең тоннага якын яшел масса урган.

Красновларның җиде балалы гаиләсендә туган Владимир гомер буе механизатор булып эшләгән әтисе Григорий Васильевичның данлы һөнәрен уңышлы дәвам итә. Мәктәп елларында ук техника янында кайнашып үскән ул. Үсмер чагында, «СК-5» комбайнчысы Виктор Сулагаевның ярдәмчесе булып эшләп, чыныгу алган. Алты ел бергә эшләгәннәр. Чувашиядә тракторчы-машинист курсларында укып кайтканнан соң, 1996-2010 елларда “СК-5” комбайнын иярләгән, соңгы ун елда “Ягуар” терлек азыгы урып-җыю комбайнында эшли.

– Авылда туып-үскәч, малай чактан ук җирдә эшләгәч, бәхет эзләп читкә китәсе килмәде. Әтием эшен дәвам итәргә булдым. Яз-көз айларында механизатор булып эшләсәм, кышын һөнәремне алыштырам – фермага слесарь булып киләм, – ди ул.

#Кайбыч таңнары

Сәхифәләр

Кайбыч районы механизаторы республика алдынгылар исемлегенә кергән