Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Кайбыч районы мәчетләре хәйрия итеп Казан мәдрәсәләренә бәрәңге җибәрде
Райондагы картлар һәм инвалидлар интернат-йортында яшәүчеләргә дә өлеш чыгарылган.
(Кайбыч, 15 октябрь, “Татар-информ”, “Кайбыч таңнары”, Луиза Сөнгатуллина). Кайбыч районы мөхтәсибәтендәге мәхәлләләрдән җыелган гошер сәдәкасы - бәрәңгене Казан шәһәрендәге “Мөхәммәдия” һәм “Ислам динен кабул итүгә 1000 ел” исемендәге мәдрәсәләргә озаттылар. Үзебезнең райондагы Федоровское авылында урнашкан Картлар һәм инвалидлар интернат-йортында яшәүчеләргә дә өлеш чыгардылар. Бүгенге көндә биредә республиканың төрле төбәкләреннән җыелган әби-бабай гомер йомгагын сүтә, дип хәбәр итте “Кайбыч таңнары” газетасы.
Бу саваплы эшкә райондагы 16 мәчетнең 13е кушылган. Авыл халкыннан 200 капчыктан артык бәрәңге җыелган. “Бакчаларында хәләл көч белән үстерелгән уңыштан гошер сәдакасы бирүчеләрнең барысына да Аллаһы Тәгаләнең ризалыгын һәм рәхмәтен сорап, изге догаларда калабыз”,- диде район мөхтәсибе Дамир хәзрәт Гыйниятуллин.
Кызыклы яңалыкларны күзәтеп бару өчен Телеграм-каналга язылыгыз