Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбыч районы Кошман авылының мәдәният хезмәткәрләре балаларга бәйрәм ясады
Олы Кайбыч авылындагы паркта, мәдәният йортларында Яңа ел уңаеннан күңел ачу чаралары үткәрелә.
(Кайбыч, 6 гыйнвар, "Татар-информ", “Кайбыч таңнары”, Ләйсән Саттарова). Кайбыч районы Кошман авылының мәдәният хезмәткәрләре балаларга бәйрәм ясады. Олы Кайбыч авылындагы паркта, мәдәният йортларында Яңа ел уңаеннан күңел ачу чаралары үткәрелә, дип яза җирле басма.
Китапханәче Гөлия Сафиуллина белән мәдәният йорты методисты Ләйсән Гыйрфанова балалар өчен бәйрәм оештырды. Кунакка Кыш бабайны да чакырдылар. Аның кайда яшәве, ничек туклануы турындагы кызыклы сорауларга җавап биргәннән соң, балалар бабакайга шигырьләрен сөйләп бирде. Кыш бабай аларның берсен дә бүләксез калдырмады. Чыршы тирәли бергәләп җырлап әйләнгәннән соң, уеннар үткәрелде. Аларда кечерәкләр дә, мәктәп балалары да теләп катнашты. Кышкы каникулның бер көне әнә шулай күңелле һәм файдалы узды.
Кызыклы яңалыкларны күзәтеп бару өчен Телеграм-каналга язылыгыз