Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Кайбыч икмәк пешерүчеләре Сабан туена әзерләнә
Район үзәгендә Сабан туе көнендә икмәк пешерү комбинаты продукциясен өч ноктада сату оештырылачак.
(Кайбыч, 12 июнь, "Татар-информ", "Кайбыч таңнары"). Кайбыч икмәк пешерү комбинаты район халкына егерме елдан артык хезмәт күрсәтә. Шул еллар дәвамында биредә икмәк пешерү, аның сыйфатын яхшырту буенча бай тәҗрибә тупланган, дип яза җирле басма.
Әле шушы араларда гына узган җыелышларында да ипи, икмәк-күмәч, кондитер эшләнмәләре җитештерүнең сыйфатын яхшырту хакында сүз барды, халкыбызның йөзек кашы булган Сабан туе бәйрәменә әзерләнү хакында да фикер алыштылар. Җыелышны алып барган икмәк пешерү комбинаты директоры Илшат Гатиятуллин әйтеп узганча, икмәк пешерүчеләрнең хезмәт хакы җитештергән продукция күләменә, аның сыйфатына бәйле. Биредә күп нәрсә кеше факторына бәйле. Бер сменада ипи уңса, икенчесендә киресенчә булырга да мөмкин. Район үзәгендә Сабан туе көнендә икмәк пешерү комбинаты продукциясен өч ноктада сату оештырылачак.
Кызыклы яңалыкларны күзәтеп бару өчен Телеграм-каналга язылыгыз