«Черек күл» паркындагы шугалак бүген сезонны төгәлли
Скопировать ссылку
Казанның «Черек күл» паркындагы шәһәр шугалагы бу сезондагы эшен төгәлли. Бүген - шәһәр халкы һәм кунаклар бозда шуа, шулай ук тимераякларны прокатка бирү пунктыннан файдалана ала торган соңгы көн. Шугалак 22:00 сәгатькә кадәр ачык булачак, дип хәбәр иттеләр Парклар һәм скверлар дирекциясе Телеграм-каналында.
Кышкы сезонда мәйданчык 55 көн эшләде. Бу вакыт эчендә прокат хезмәтләреннән 25 меңгә якын кеше файдаланган.
Кыш дәвамында шугалакта төрле чаралар уздырылды: бирегә килүчеләр Яңа елны каршы алды, фигуралы шуучыларның чыгышларын тамаша кылды, тимераякта шуу дәресләрендә катнашты, шулай ук кино карады һәм бозда оештырылган кичәләрдә булды.