Кәрҗинем...
«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.
Скопировать ссылку
Кәрҗинемне тоттым да мин
Чыктым ерак юлыма.
Беркайчан да бирешмәдем
Кәрҗин булгач кулымда.
Минем белән бергә күпне күрде,
Монда булды минем бар байлык.
Тамак ялгасам да,
«Җырлар дәфтәре» дә,
Хәтта даруханә булды бер айлык.
Камыш кәрҗинемә рәхмәт укыйм
Күпме истәлекләр саклаган!
Миннән соң да әле вакыт үтсә дә бит,
Матур итеп әле сакланган!
Түбән Камадан Амилия Кәлимуллина