Кәрим Тинчурин театры Мәскәүдә спектакльләр күрсәтәчәк
Скопировать ссылку
Кәрим Тинчурин исемендәге Татар дәүләт драма һәм комедия театры гастрольләр белән Мәскәүгә бара. Татарстанның Россиядәге Тулы вәкаләтле вәкиллеге хәбәр иткәнчә, Казан кунаклары театраль сезондагы премьераларын «Мимика һәм ишарәләр театры»нда күрсәтәчәк.
11 декабрьдә Мәскәү тамашачыларына Шәриф Хөсәенов әсәре буенча сәхнәләштерелгән «Чулпан» мелодрамасы, 12 декабрьдә «Мәхәббәт баскычы» комедиясе (Шамил Фәрхетдинов пьесасы) тәкъдим ителә.
Спектакльләр 19.00 сәгатьтә башлана.
Барлык спектакльләр дә татар телендә, әмма русчага синхрон тәрҗемә белән күрсәтеләчәк.