Кариев театрында «Озын-озак балачак» спектаклен Уфадан махсус чакырылган режиссер куя
Мостай Кәрим повесте буенча куелган премьера октябрьдә була.
Скопировать ссылку
(Казан, 5 октябрь, «Татар-информ»). Кариев театрында Мостай Кәрим повесте буенча куелган «Озын-озак балачак» спектаклен Уфадан махсус чакырылган режиссер Илсур Казакбаев тәкъдим итәчәк. Бу турыда театрның матбугат хезмәте хәбәр итте.
Премьера 10 һәм 11 октябрьдә була. Тамаша 18.00 сәгатьтә башлана.
«Рәссам Альберт Нестеров белән бергә ул классик әсәрне бөтенләй яңа, гадәти булмаган яктан ача. Сезне 33 нче сезонның икенче премьерасына чакырып калабыз! Театрда күрешкәнгә кадәр!» дип мөрәҗәгать итә театр.