Кариев театрына иң яхшы балалар спектакле өчен «Тантана» театр премиясе тапшырылды
«Хикмəт əкиятлəре» спектакле – Кариев театрының соңгы премьераларының берсе.
(Казан, 27 март, «Татар-информ», Рузилә Мөхәммәтова). «Балалар өчен иң яхшы спектакль» номинациясендə «Хикмəт əкиятлəре» спектакле өчен Кариев исемендəге Казан Татар дəүлəт яшь тамашачы театры «Тантана» театр премиясе белән бүлəклəнде.
«Хикмəт əкиятлəре» спектакле – Кариев театрының соңгы премьераларының берсе.
Камал театрының ютуб-каналында «Тантана-2020» республика театр премиясен тапшыру тантанасының онлайн трансляциясе бара.
Лауреатлар лаеклы дипломнарын үзләре кабул итеп ала алмыйлар – алар залга чакырылмаган. Ул аларга соңрак тапшырылачак.
«Тантана» - театр сәнгатендәге иҗади һәм иҗтимагый казанышлар өчен ел саен бирелүче профессиональ премия.