Җәмгыять 23 декабрь 2004 15:01

Караклар җиңел генә 700 мең сум акча "эшләгән"

Скопировать ссылку

(Казан, 23 декабрь, «Татар-информ», Александр Казанцев). Казанда Яшел Үзәннән 56 яшьлек ир-атның машинасын талап, 700 мең сум акчасын урлаганнар.

ТР Эчке эшләр министрлыгыннан "Татар-информ" агентлыгына хәбәр итүләренчә, ир-ат акчасының кайда урланганын төгәл әйтә алмый. Акчаның юкка чыгуын, ул Казанның Киров районында Краснококшайская һәм Забайкальская урамнары тыкрыгында туктагач кына белгән. Акча аның "Ауди" машинасы багажнигыннан урланган ике сумкада булган. Хәзер зыян күрүче милиция хезмәткәрләренә күрсәтмә бирә, җинаятьчеләрне эзләү бара.

Сәхифәләр

Караклар җиңел генә 700 мең сум акча "эшләгән"