Кара бәрхет түбәтәй
«Татар-информ» мәгълүмат агентлыгы «Ядкярләрдә Тукай рухы» әдәби конкурсында җиңү яулаган катнашучыларның эшләрен тәкъдим итә. Әдәби бәйге Татарстан Республикасы Милли музее һәм Габдулла Тукай әдәби музее тарафыннан оештырыла. Әлеге эшләр беренче тапкыр матбугатта тәкъдим ителә.
Кара бәрхет түбәтәй
Кара бәрхет түбәтәен
Килешле итеп кигән.
Озын чәчен кыстырып,
Фотосурәткә төшкән.
Кулдан сырылган түбәтәй –
Гыйльметдин Шәрәф бүләге.
Тукайны мәңгеләштерү –
Булган аның теләге.
Милли түбәтәй Тукайга
Бигрәк килешеп тора.
Халкы өчен горурланып,
Ерактан балкып тора.
Тукай түбәтәен күрү –
Минем өчен дәрәҗә.
Милләтемнең язмышы –
Түбәтәйле егетләрдә.
Буыннардан-буыннарга
Саклансын Тукай рухы!
Мәңге яшә, Тукаебыз,
Син – татарның бөек улы!
Биектау районы, Өнсә авылы мәктәбеннән Ганиева Эльза Фәнис кызы, 2023 ел.
җитәкче: Габделхәева Гөлназ Әдһәм кызы.