Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Капиталь ремонттан соң Республика йогышлы авырулар хастаханәсенең балалар бүлеге ачылган
Капиталь ремонттан соң, Республика йогышлы авырулар клиник хастаханәсенең балалар бүлеге ачылган. Бу хакта ТР Сәламәтлек саклау министрлыгының матбугат хезмәте хәбәр итә.
Балалар клиникасы Окольная урамыннан А.Агафонов исемендәге Республика йогышлы авырулар клиник хастаханәсенең дәвалау корпусына күчерелгән (Җиңү Проспекты, 83 нче йорт).
Капиталь ремонттан соң йогышлы чирләре булган балаларга ярдәм күрсәтү өчен стационар бүлекләр булдырылган. Барлык эшләр республика бюджеты хисабына башкарылган.
Стационар бүлекләрдә палаталарга ремонт ясалган, электр, җылылык белән тәэминат челтәрләре яңартылган. Бүлекләргә яңа җиһазлар, медицина җайланмалары кайтарылган.
Учреждение администрациясе бәяләмәсе буенча, балалар клиникасын йогышлы авыруларга каршы көрәш хастаханәсенең дәвалау корпусына күчерү нәтиҗәсендә, санитар-эпидемиологик нормативлар да үтәлгән, медицина ярдәме үтемлелеге дә арткан, штат расписаниесе дә көйләнгән.
Кызыклы яңалыкларны күзәтеп бару өчен Телеграм-каналга язылыгыз