Авыл 28 декабрь 2009 13:58

Камияр Байтимеров үз вазифасын тагын дүрт ел башкарачак

Бу вакыт эчендә К.Байтимеров ТР Фермерлар һәм крестьян хуҗалыклары ассоциациясе Советы тәкъдиме белән үзенә лаеклы алмаш сайларга тиеш

Скопировать ссылку

(Казан, 28 декабрь, “Татар–информ”, Ирина Игнатьева). Татарстан фермерлары лидеры үз вазифасын тагын дүрт ел башкарачак. Бу вакыт эчендә К.Байтимеров ТР Фермерлар һәм крестьян хуҗалыклары ассоциациясе Советы тәкъдиме белән үзенә лаеклы алмаш сайларга тиеш. Бу хакта “Татар–информ” агентлыгына ассоциациядән хәбәр иттеләр.
Искәртеп узабыз, үткән атна ахырында Татарстанның Түбән Кама районындагы “Якташлар” крестьян хуҗалыгы базасында ТР Фермерлар һәм крестьян хуҗалыклары ассоциациясе Советының күчмә утырышы булды, анда фермерларның алда торган хисап–сайлау съездының көн тәртибе расланды. Аның алдыннан Татарстан фермерлары лидеры К.Байтимеров үз кандидатурасын алды. Әмма ассоциация Президиумы мәсьәләнең болай куелышына каршы чыкты, чөнки Татарстанның күпчелек фермерлары нәкъ менә аны үзләренең җитәкчеләре итеп күрергә тели.
Ассоциациянең күчмә утырышында хәлиткеч карар кабул ителде: К.Байтимеров үз вазифасын тагын дүрт ел башкарачак. Бу вакыт эчендә аңа республика фермерлары арасынннан үзенә лаеклы алмаш сайларга тәкъдим ителде.

Сәхифәләр

Камияр Байтимеров үз вазифасын тагын дүрт ел башкарачак