news_header_top
16+
news_header_bot
news_top

Камилә Вәлиева сикерү буенча Россия чемпионаты финалына үтә алмады

Камилә Вәлиева сикерү буенча Россия чемпионаты финалына үтә алмады
Фото: © Владимир Васильев, «Татар-информ»

Фигуралы шуучы Камилә Вәлиева Мәскәүдә узучы сикерү буенча Россия чемпионаты финалына үтә алмады. Спортчы ярымфиналда 53,33 балл җыйды һәм иң яхшы нәтиҗәләр өчлегенә керә алмады. Бу аны җиңү өчен көрәшү мөмкинлегеннән мәхрүм итте.

Камилә Вәлиева – яшүсмерләр арасында дөнья чемпионы, берничә тапкыр Россия чемпионаты призеры, Россия Кубогы җиңүчесе һәм 2022 елда Пекинда узган кышкы Олимпия уеннары катнашучысы.

Әлеге турнир – Вәлиева спортка кайтканнан соң катнашкан беренче ярышлар. Исегезгә төшерик, фигуралы шуучы допингка каршы кагыйдәләрне бозган өчен дисквалификацияләнгән иде. Дисквалификация вакыты 2025 елның 25 декабрендә тәмамланды.

Спортчы октябрьдә Татьяна Навка академиясенә Светлана Соколовская белән тренировкаларга йөри башлады. Элек Вәлиева Этери Тутберидзе белән хезмәттәшлек итә иде.

news_right_1
news_right_2
news_bot