Камил хәзрәт Сәмигуллин ураза кабул булуның билгесен атады
Скопировать ссылку
Казанның Галиев мәчетендә Ураза бәйрәме вәгазе укылды. Татарстан мөфтие Камил хәзрәт Сәмигуллин вәгазендә Рамазан аеннан соң игелекле гамәлләр кылу – ураза кабул булуның билгесе, дип атады.
«Ураза кабул булуның бер билгесе бар. Кеше Рамазаннан соң игелекле гамәлләрен һәм гыйбадәтләрен дәвам итә икән, димәк, уразасы кабул булган дигән сүз. Рамазан ае кешене яхшыга үзгәртергә тиеш. Аллаһы Тәгалә адәм баласы аңа бер генә адым ясаса да, шул кешенең каршысына ун адым ясар, ди», – диде Татарстан мөфтие вәгазендә.