Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Камил хәзрәт Сәмигуллин Татарстанның Россиядәге ислам финанслары үзәге булуын атады
![Камил хәзрәт Сәмигуллин Татарстанның Россиядәге ислам финанслары үзәге булуын атады](https://tatar-inform.tatar/images/uploads/photo/2024/7/25/8c20507690dcd3d2432e7394c0abe476.jpg)
Бүген Казанда узган «Рухи Ефәк юлы» V Халыкара фәнни-дини конференциясендә Татарстан Республикасы мөфтие Камил хәзрәт Сәмигуллин Татарстанның Россиядәге ислам финансларын булдыруның иң зур үзәге булып торуын билгеләде.
«Бүгенге көндә Татарстан Республикасы мөселманнары Диния нәзарәте 14 финанс оешмасы өчен 15 уникаль ислам продуктын эшләде. Бу - ипотека, дебет карталары, юридик һәм физик затлар өчен исәп-хисап счетлары, проектлы финанслау, лизинг, факторинг, эквайринг, тупланмалы пенсия, кэшбэк, инвестицияләр һәм кыйммәтле кәгазьләр, өлешләп түләү. Шул ук вакытта без аларны эшләп кенә калмадык, ә алга таба сату буенча тышкы шәригать аудиты да башкарабыз. Татарстан мөселманнары Диния нәзарәте бу мәсьәләдә бер принципка таяна: Россиядә ислам финанслары базарының иң мөһим аспекты – ул экспертиза һәм шәригать контроле булу», – дип, аңлатты ул.
Татарстанда сертификацияләүче һәм контрольдә тотучы орган - ул ТР мөселманнары Диния нәзарәте голәмәләр шурасы. Аның составына Ислам фәннәре докторлары, ислам мөлкәт хокукларын белүчеләр, AAOIFI - бухгалтерлык исәбе ассоциациясе һәм ислам финанс учреждениеләре аудиты белгечләре керә.
Камил хәзрәт әйтүенчә, Россиядә нибары 11 генә сертификацияләнгән AAOIFI белгече бар, һәм шуларның 7се Татарстаннан. «AAOIFI - ул халыкара аудитор, Ислам өлкәсендә финанс оешмаларының эш кагыйдәләрен чыгаручы. 2019 елда KazanSummit та Казандагы Россия ислам институты һәм AOIFI оешмасы арасында килешү имзаланды. Килешү Россия ислам институты базасында AOIFI сертификациясен бирүче ислам финанслары өлкәсендәге экспертларны әзерләү мөмкинлеге бирә», – дип, аңлатты ул.
Кызыклы яңалыкларны күзәтеп бару өчен Телеграм-каналга язылыгыз