Камил хәзрәт Минскида Татарстанда халыкларның дустанә яшәү традицияләре турында сөйләде
Минскида «Халыкара аренада мәдәниятара хезмәттәшлекне һәм рухи-әхлакый кыйммәтләрне ныгыту механизмнары» дип аталган Халыкара форум эшли башлады. Форумны Беларусь Республикасындагы Мөселман дини берләшмәсе һәм Дагыстан Республикасы мөфтияте Ислам мәдәниятенә, фәненә һәм мәгарифенә ярдәм фонды теләктәшлегендә оештырды. Конференция эшендә Татарстан мөфтие, ТР мөселманнары Диния нәзарәте рәисе Камил хәзрәт Сәмигуллин һәм аның беренче урынбасары Илфар хәзрәт Хәсәнов катнаша.
Мөфти Камил хәзрәт үзенең чыгышында көтеп алган Мәүлид ае – сөекле Пәйгамбәребез Мөхәммәд салләллаһу галәйһи вә сәлләмнең туган аена аяк басуыбызны билгеләп үтте. Ул ассызыклаганча, Аллаһ Илчесенең Сөннәтендә бүгенге фикер алышуга чыгарылган сорауларның күбесенә җаваплар табарга мөмкин. «Пәйгамбәр салләллаһу галәйһи вә сәлләм мөэмин-мөселманнар белән дә, диндә булмаганнар белән дә мәдәни багланышларны җайларга өйрәткән. Бу хакта Мәдинә килешүе, Хөдәйбия тынычлык килешүе, үзенең шәхси үрнәге һ.б. ачык мисал», – дип билгеләп үтте ул.
Камил хәзрәт шулай ук Пәйгамбәребез салләллаһу галәйһи вә сәлләм үзенең соңгы вәгазендә җиткергән сүзләрне искә төшерде: «И кешеләр! Сезнең Раббыгыз – бер, һәм атагыз бер – Адәм. Гарәп булмаган кешенең гарәптән, һәм гарәпнең гарәп булмаганнан, кара тәнленең ак тәнледән, һәм кара тәнленең ак тәнледән өстенлеге юк, өстенлек – бары Аллаһтан куркуда. Сезнең арагызда иң күркәме – тәкъва булганыгыз».
Татарстан мөселманнары башлыгы шулай ук хәзерге дөньякүләм үзгәрешләр чорында Казанның Ислам дөньясы илләре, БРИКС дәүләтләре вәкилләрен һәм АСЕАНда катнашучыларын кабул итүен дә ассызыклады.
Камил хәзрәт шулай ук Татарстан хакимиятләренең диннәргә карата тигез мөнәсәбәте турында сөйләде, ә Мөселманнар Диния нәзарәте һәм Митрополия республикада үз рухи традицияләрен саклап калу буенча эш алып бар.
«Нәтиҗәдә, республика халыклары үз рухи-әхлакый кыйммәтләре белән тирәнрәк таныша, һәм җәмгыятьтә мөселманнар һәм православие динендәге кешеләрнең – әхлакый идеаллары охшаш, ә аерым яклары бик аз икәнлеге турында аңлыйлар. Гыйффәтлелек, киң күңеллелек, гаделлек, белемле булу, гаилә турында кайгырту, Ватанга мәхәббәт – болар барысы да илаһи диннәрдәге кыйммәтләр», – дип йомгаклады ул.