Камил Сәмигуллин триатлонда йөзү, велосипед, йөгерү этапларын 1 сәг 46 минутта узган
Әлмәттә узган ярышта Татарстан мөфтие финишка 212нче булып килгән.
Скопировать ссылку
(Казан, 8 август, «Татар-информ»). Татарстан Республикасы мөфтие Камил хәзрәт Сәмигуллин Әлмәттә һәвәскәрләр арасында триатлон стартында катнашты. Бу хакта «Татар-информга» ярышларны оештыручылар хәбәр итте.
Мөфти йөзү, велосипедта бару һәм йөгерү этапларын 1 сәгать 46 минут 32 секунд эчендә узган, ул финишка 212нче булып килгән.
Һәвәскәрләр йөгерешеннән тыш, Әлмәт Россия чемпионатын да кабул итте, анда спортчыларны Европа чемпионатына сайлап алганнар.
Хатын-кызлар арасында Пензадан Анастасия Горбунова, ир-атлар арасында Санкт-Петербургтан Григорий Антипов җиңгән.