Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Камил Сәмигуллин Истанбулда халыкара конференциядә катнашты
Татарстан мөфтие төрек телеканалына биргән интервьюсында мөселманнар бердәмлегенең әһәмиятен искә төшерде.
(Казан, 30 гыйнвар, «Татар-информ»). Татарстан мөфтие Камил хәзрәт Сәмигуллин Төркиянең Истанбул шәһәрендә узган халыкара конференция эшендә катнашты, дип хәбәр итә Татарстан мөселманнары Диния нәзарәте матбугат хезмәте.
Татарстан Диния нәзарәте рәисе төрек телеканалына интервью бирде. Камил хәзрәт Иерусалимдагы «Әл-Акса» мәчетенең исламның бер символы булуын искәртте һәм мөселманнарның бердәмлеге аеруча мөһим булуын билгеләп үтте. «Чөнки Коръәндә: «Барлык дин тотучылар да – бер-берсенә туганнар», - диелгән. Аллаһы Тәгалә үзе мөселманнарның күңелләрен өзелмәс җеп белән тоташтырган», - диде ул.
Чарада Төркия вице-премьеры, Хөкүмәт матбугат сәркатибе Бекир Боздаг, Төркия Республикасының Дини эшләр идарәсе рәисе Али Эрбаш, Кавказ мөселманнары Диния нәзарәте рәисе шәйхелислам Аллаһшөкер Пашазадә, Гыйрак, Палестина, Пакыстан, Һиндстан, Үзбәкстан, Индонезия һ.б. мөселман илләреннән дини лидерлар, сәясәтчеләр, фән эшлеклеләре катнашты.
Кызыклы яңалыкларны күзәтеп бару өчен Телеграм-каналга язылыгыз