Дин 8 сентябрь 2017 16:51

Камил Сәмигуллин: Хаҗиларыбызның шат күңел белән кайтып җитүләренә ышанабыз

Татарстан хаҗиларының беренче төркеме Казанга кайта.

Скопировать ссылку

(Казан, 8 сентябрь, «Татар-информ», Фәрит Салихов). Бүген төнлә Татарстан хаҗиларының беренче төркеме Казанга кайта. Бу төркемдә – 49 хаҗи.

«Республикадан 49 дин кардәшебез – беренче төркем хаҗ кылучыларыбыз туган якларына кайтып җитәргә тиеш. Алар иң кыска – ике атналык программа буенча җаҗ кылды», – дип сөйләде «Татар-информ» хәбәрчесенә Татарстан мөселманнары Диния нәзарәте рәисе, мөфти Камил хәзрәт Сәмигуллин.

Быел «Татарстан мөселманнары Диния нәзарәтенең "Хаҗ" программасы буенча 1700 кеше хаҗ кыла. Алар арасында мөмкинлекләре чикле кешеләр дә бар.

«Алардан, иншаллаһ, яхшы хәбәрләр генә килеп торды. Хаҗиларыбызның туган җирләренә шат күңел белән кайтып җитүләренә ышанабыз», – диде мөфти хәзрәтләре.

Сүз уңаеннан, бүген Татарстанның барлык мәчетләрендә дә җомга намазы алдыннан террорчылык һәм экстремизм турында вәгазь укылды. Казанның «Тынычлык» мәчетендә вәгазьне Татарстан мөфтие Камил хәзрәт Сәмигуллин укыды.

#Мөфти #Камил Сәмигуллин

Сәхифәләр

Камил Сәмигуллин: Хаҗиларыбызның шат күңел белән кайтып җитүләренә ышанабыз