Дин 22 сентябрь 2018 11:26

Камил хәзрәт Сәмигуллин Махачкаладагы мәчеттә җомга намазы үткәрде

Мөфти үзенең вәгазендә Пәйгамбәребез киңәшләрен искә төшерде.

Скопировать ссылку

(Казан, 22 сентябрь, "Татар-информ").Кичә Махачкалада Татарстан мөфтие Камил хәзрәт Сәмигуллин татар шәехе Зәйнулла Шәриф Рәсүлев исемендәге мәчеттә җомга намазы укытты. Бу хакта Татарстан Диния нәзарәте матбугат хезмәте хәбәр итә.

Әлеге чарада Дагыстан мөфтие Әхмәд хаҗи Абдулаев, шулай ук “Россия халыкларының бердәмлеген ныгытуда диннең роле” конференциясе кунаклары катнашты. Камил хәзрәт Сәмигуллин үзенең вәгазендә җыелган халыкка Пәйгамбәребез Мөхәммәд салләллаһу галәйһи вә сәлләмнең киңәшләрен искә төшерде.

Дагыстан Республикасына эш сәфәре барышында Камил хәзрәт Сәмигуллин “Россия халыкларының бердәмлеген ныгытуда диннең роле” дип исемләнгән Россиякүләм дини конференциянең пленар утырышында һәм секция эшендә катнашты.

Моннан тыш, Камил хәзрәт Махачкалада “Ватан” радиостанциясендә кунакта булды. Биредә ул “Есть разговор” тапшыруына интервью бирде.

#Камил Сәмигуллин

Сәхифәләр

Камил хәзрәт Сәмигуллин Махачкаладагы мәчеттә җомга намазы үткәрде