Камил Гәрәев быелгы «Татар җыры» фестиваленең бюджетын әйтте
Скопировать ссылку
Журналистлар белән очрашуда «Барс-Медиа» компанияләр группасы директорлар советы рәисе Камил Гәрәев «Татар җыры – 2022» фестиваленең бюджеты турында сөйләде.
«Чыннан да, зур эшләр эшләгәндә бюджет кирәк. Татар җыры фестивале бюджеты һәрвакыт зур иде: 12, 15, 17 миллион сум булды, күбрәк тә булды. Ул ел саен әзрәк үзгәрә. Быелгы бюджетның төгәл санын әйтә алмыйм, ул үзгәреп тора. Якынча 17-18 миллион сум. Бюджет аз түгел. Компания үзенең көчен куя, партнерлар белән дә эшлибез», – дип аңлатты ул.
Быелгы «Татар җыры» фестивале 17 декабрь көнне «Казан Экспо» халыкара күргәзмә үзәгенең Илһам Шакиров исемендәге зур концертлар залында узачак.