Хәвеф-хәтәр 14 март 2017 09:24

Камчаткада диңгезчеләр метил спиртыннан агуланып үлгән

Хәзерге вакытта 5 диңгезченең үлеме хакында хәбәр ителә.

Скопировать ссылку

(Казан, 14 март, "Татар-информ"). Камчаткада спиртлы эчемлек белән агуланып үлүче диңгезчеләрнең саны бишкә җиткән. Балыкчылык судносы әгъзаларының бишенчесе – 52 яшьлек ир-ат, Петропавловск-Камчатка кешесе төбәк хастаханәсендә үлгән. "Российская газета" хәбәр итүенчә, экипаж вәкиле үлеменә метил спирты куллану сәбәпче булган.

Гадәттән тыш хәл бүген иртән килеп чыккан. "Изумруд" балыкчылык судносындагы диңгезчеләрнең дүртесе спиртлы эчемлектән агулану аркасында көймәдә үк вафат булган.

Хәзерге вакытта хастаханәдә зыян күргән тагын дүрт кеше бар. Аларның гомеренә куркыныч янамый, диелә.

Җинаять эше кузгатылган.

#Камчатка #диңгезче

Сәхифәләр

Камчаткада диңгезчеләр метил спиртыннан агуланып үлгән