«КАМАЗ» заводы цехында яңа йөк машинасы җимерелгән
Предприятие эшчеләр зыян күрмәгән, һәлакәт сәбәпләре ачыклана.
Скопировать ссылку
(Чаллы, 17 сентябрь, «Татар-информ», Эльвира Мөхәмәтдинова). «КАМАЗ» гамәви акционерлык җәмгыятенең автомобиль заводында йөк машинасы бина колоннасына бәрелгән.
«КАМАЗ» ГАҖнең төп җыю конвейерындагы хәл турындагы мәгълүмат социаль челтәрдә чыкты. Конструкция белән бәрелү аркасында автомобильнең кабинасы зур зыян күргән.
«КАМАЗ» ГАҖ Мәгълүмати сәясәт буенча департамент җитәкчесе Олег Афанасьев хәбәр иткәнчә, бу хәл 16 сентябрьдә 19.00 сәгатьтә автомобиль заводында булган. «КАМАЗ» конвейердан төшкәндә завод конструкциясе колоннасына бәрелгән.
«Предприятие эшчеләре зыян күрмәгән, һәлакәт сәбәпләре ачыклана», - диде автогигант вәкиле.