Икътисад 18 февраль 2010 16:15

“КАМАЗ” йөк машиналарын Һиндстанда эшләп чыгарачак

Бер атнадан Һиндстанның Бангалор шәһәрендә рәсми төстә “КАМАЗ”ның җыю производствосын ачу тантанасы була

Скопировать ссылку

(Казан, 18 февраль, “Татар–информ”). 25 февральдә Һиндстанның Бангалор шәһәрендә “КАМАЗ Вектра моторз лимитед” уртак Һиндстан–Россия предприятиесендә рәсми төстә “КАМАЗ”ның җыю производствосын ачу тантанасы була.
“КАМАЗ”ның Һиндстандагы тәүге җыю производствосы Бангалор каласыннан 70 чакрым ераклыктагы Хосуре шәһәрендә урнашкан. Уртак предприятие “КАМАЗ” ААҖнең партнеры булган Һиндстанның “Вектра” компанияләр төркеме җитештерү базасында төзелгән. 2009 елның мартында партнерлар альянс һәм проект куәте елына 5 мең автомобиль тәшкил иткән “КАМАЗ Вектра моторз лимитед” уртак предприятиесе булдыру турындагы меморандумга кул куя.
Уртак предприятиенең башлангыч эш этабында борт автомобильләренең берничә моделен һәм руле уң якта урнашкан “КАМАЗ–6540” шассиендагы төзелеш үзбушаткычлары җыюны үзләштерү, шулай ук “КАМАЗ–5460” магистраль тягачын эшләп чыгару күздә тотыла, дип хәбәр итә предприятиенең матбугат хезмәте.

Сәхифәләр

“КАМАЗ” йөк машиналарын Һиндстанда эшләп чыгарачак