Җәмгыять 9 ноябрь 2005 13:06

“КАМАЗ-Металлургия” ААҖдә Хәрби хезмәткә чакырылучы көне үтте

Скопировать ссылку

(Чаллы, 9 ноябрь, “Татар-информ”, Илисә Ганиева). Быелгы чакырылыш кампаниясендә “КАМАЗ-Металлургия” ААҖнең 10 яшь вәкиле илебезнең армия сафларын тулыландырачак. Күркәм традиция буенча, кичә предприятиедә озату кичәсе үткәрелде. Егетләр өчен шоу-программа оештырылган иде: үзенчәлекле конкурс биремнәре концерт номерлары белән үрелеп барды. Тиздән солта буласы егетләр аяк чолгавы бәйләде, бәрәңге чистартты, якыннарына хатлар язды, алып баручыларның сорауларына җавап бирде.

Предприятие җитәкчелеге һәм профсоюзы вәкилләре егетләргә үгет-нәсихәтләрен җиткерде. Хезмәттәшләре аларга лаеклы хезмәт итүләрен һәм туган предприятиеләренә кайтуларын теләде.

Сәхифәләр

“КАМАЗ-Металлургия” ААҖдә Хәрби хезмәткә чакырылучы көне үтте