news_header_top_970_100
news_header_bot_970_100

“КАМАЗ” “Кейс Нью Холланд” концерны белән уртак предприятие төзи

Мәскәүдә шул хактагы килешү имзаланды

(Казан, 9 октябрь, “Татар-информ”). Татарстанда авыл хуҗалыгы җитештерүчәнлеген арттырырга, уңышны аз югалтулар белән җыеп алырга яңа техника ярдәм итәчәк. Мәскәүдә “КАМАЗ” ААҖ белән “Кейс Нью Холланд” концерны арасында авыл хуҗалыгы һәм төзелеш техникасы җитештерү, продукцияне сатуга чыгару буенча уртак ике предприятие төзү турындагы килешү имзаланды. Бу өлкәдә уртак хезмәттәшлек автогигантка өстәмә эш урыннары булдырырга, төрле дәрәҗәдәге бюджетларга салым түләүләрен арттырырга, илдә авыл хуҗалыгы һәм төзелеш техникасы җитештерүнең технологияк дәрәҗәсен күтәрергә ярдәм итәргә тиеш.
Документны имзалау тантанасында РФ Хөкүмәте рәисе Владимир Путин, ТР Премьер-министры Рөстәм Миңнеханов, “Ростехнологияләр” дәүләт корпорациясе генераль директоры -“КАМАЗ” ААҖ Директорлар советы рәисе Сергей Чемезов,“FIAT Group” компаниясе башлыгы Серджио МАркионе, “КАМАЗ”ның генераль директоры Сергей Когогин, “Кейс Нью Холланд” җитәкчесе Франко Фуджиньани катнашты. Бу хакта “КАМАЗ”ның матбугат хезмәте хәбәр итә.

news_right_column_1_240_400
news_right_column_2_240_400
news_bot_970_100