Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
КАМАЗ һәм Мәскәү Хөкүмәте «Москвич» автомобильләрен җитештерүгә старт бирде
Бүген Мәскәү автомобиль заводында «Москвич» машиналарын җитештерүгә старт бирелде. Бу хакта КАМАЗның (предприятие проектның технологик партнеры буларак чыгыш ясый) матбугат хезмәте хәбәр итә.
Беренче «Москвич» автомобиле конвейердан декабрь аенда төшәчәк, ел ахырына кадәр заводта 600 машина (шуларның 400енә – эчке янулы двигатель куелган, 200е – электромобиль) җыелачак. Автомобильләрне 2023 елның мартында сата башларга ниятлиләр.
«Яңартылган брендның беренче моделе заманча, уңайлы, сыйфатлы һәм куркынычсыз «Москвич 3» автомобиле булачак», - диелә хәбәрдә.
Элегрәк хәбәр ителгәнчә, 2022 елның маенда Мәскәү мэры Сергей Собянин, хезмәт коллективын саклау өчен, «Москвич» заводында автомобильләр җитештерүне җайга салу турында игълан иткән иде. Июль аенда КАМАЗ һәм Мәскәү Хөкүмәте арасында җиңел транспорт һәм электр автомобильләре җитештерү өлкәсендә хезмәттәшлек турында килешү имзаланды.
Кызыклы яңалыкларны күзәтеп бару өчен Телеграм-каналга язылыгыз