«КАМАЗ» битлекләр җитештерүне башлап җибәрәчәк
Сәгатенә 2400 битлек җитештереләчәк.
Скопировать ссылку
(Казан, 14 май, «Татар-информ»). «КАМАЗ» битлекләр җитештерүне башлап җибәрәчәк. Бу хакта компаниянең матбугат хезмәте хәбәр итә.
Җиһазлар завод территориясендә урнаштырылган. Яңа участок мәйданы — 80 кв.метр. Бүген автомат линиядә эшләтеп җибәрү-көйләү эшләре бара.
Җиһазлар белән тәэмин итүче — Sinoped International (Liaoning) Co Кытай компаниясе., Ltd. Монда сәгатенә 2400 битлек җитештереләчәк. Материал сыйфатында спанбонд, мелтблаун, энәле полиэстер, резина һәм чыбык кулланылачак. Автомат линиясе өч сменалы режимда эшләячәк.