«КАМАЗ» биш көнлек эш режимына күчә
Скопировать ссылку
«КАМАЗ» ГАҖ хезмәткәрләре 10 ноябрьдән 5 көнлек эш режимына күчә. Генераль директор Сергей Когогин шундый карар кабул иткән. Бу хакта «Шәһри Чаллы» сайтында Зөлфия Галим яза.
Якынча мәгълүматлар буенча декабрьдә дә предприятиедә тулы эш атнасы сакланачак.
«Әмма декабрьдә эшләү графигы турындагы соңгы карар ноябрь ахырында финанс комитетта җитештерү перспективаларын бәяләгәннән соң кабул ителәчәк», – диделәр матбугат хезмәтендә.
Искәртик, 1 августтан автогигантның кайбер бүлекләрендә атнасына 4 көн эшләделәр.