Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Камал театрының яңа бинасы проектлары бәйгесенә гаризалар кабул итү озайтылды
Бәйгедә катнашучылар алдында Түбән Кабан күле буенда, Һади Такташ урамында төзеләчәк театрның яңа бинасының проектын әзерләү бурычы тора.
(Казан, 15 сентябрь, «Татар-информ», Наталья Рыбакова). Чит илдәге катнашучылар үтенече белән Галиәсгар Камал театрының архитектур концепциясен әзерләү буенча ачык халыкара бәйгенең оештыру комитеты заявка кампаниясен 22 сентябрьгә кадәр озайту турында карар кабул итте. Бу хакта конкурсны оештыручылар хәбәр итә.
«Галиәсгар Камал исемендәге Татар дәүләт академия театрының архитектур концепциясен әзерләү буенча ачык халыкара бәйге бөтен дөньядагы архитекторларны җәлеп итте. Бүгенге көндә 400дән артык регистрация алынган. Оештыру комитеты заявка кампаниясен озайту турында карарга килде, чөнки конкурсантларга барлык тарихи һәм техник документлар (театр, татар мәдәнияте, Кабан күле һәм яңа бина төзеләчәк территория) белән танышу өчен күбрәк вакыт кирәк. Гаризаларны 22 сентябрьгә кадәр тапшырырга мөмкин», - диелә хәбәрдә.
Бәйгедә катнашучылар алдында Түбән Кабан күле буенда, Һади Такташ урамында төзеләчәк театрның яңа бинасының проектын әзерләү бурычы тора. Конкурста Россия һәм чит илләрнең архитектура бюросы катнаша ала. Дәгъвачыларның консорциумнарга берләшү мөмкинлеге бар.
Кызыклы яңалыкларны күзәтеп бару өчен Телеграм-каналга язылыгыз